滿屋日本料理 (大埔超級城C區)

营业中

休息中

勁瘋狂，住喺大埔嘅朋友在家工作，約喺佢屋企附近食飯，就返佢，原來佢樓下就已經可以食到日本放題！！有時諗食乜嘢諗到悶悶地，放題都係唔錯嘅選擇，可以食刺身，又有好多其他美食，大飽口福😎😎餐廳有多款放題選擇，我哋嗌咗最平嘅A餐，應該都夠做既😆😆😆大約七點嚟到，最好就有預先book枱，餐廳都有啲梳化位，坐得幾舒服。坐低咗就可以掃描QR code瘋狂點嘢食啦😁😁喺等緊食物嘅時候，可以帶返口罩出去拎飲品，連蘋果酒都有，開心🥳另外我仲拎咗啲冷盤，泰式無骨鳳爪超級肥美，正👍🏼雖然A餐嘅食物選擇唔算超級多，但係每類型都有好幾款，其中壽司方面，我最鍾意嘅就係鰻魚玉子壽司，鰻魚/甜蛋/壽司飯嘅比例可以話係一比一，甜甜地，都幾好食😋花之戀都有兩款，比較吸引嘅就係依個明太子花之戀，上面仲要有魷魚，口感更豐富！我最鍾意嘅刺身，肥美，鮮甜，尤其是係帶子，好大粒！大赤蝦真係好巨大，蝦身好粗，啖啖肉！當然唔少得熟食啦，燒羊架，都幾入味，香噴噴，唔錯。我仲叫咗個海鮮粥，可以暖下胃，估唔到仲有好多乾瑤柱喺入面，超滋味🥰🥰食飽飽，仲可以揀一款雪糕，叫完一個雪糕之後，就唔可以再叫其他雪糕，所以要認真選擇😆😆見到有Häagen-