麻辣風雲 (已結業)

今日同屋企人一齊嚟到川菜餐廳，呢度嘅裝修行中式復古路線，以古代同紅色為主題。有得坐卡位真係非常之唔錯嘅選擇。今日淨係帶咗兩款小菜，分別就係火爆魷魚鬚同紅糖糍粑。首先介紹吓呢個火爆魷魚鬚先啦，我覺得佢非常惹味。因為佢嘅魷魚鬚醃製得唔錯，唔會話好硬身，同時亦都覺得佢好有鮮味。我認為呢個小菜係非常之唔錯。另外仲嗌咗紅糖糍粑！以前返大陸就食得多，因為疫情我已經好耐冇食過啦。冇諗過係呢啲川菜嘅餐廳，可以食到咁正宗嘅紅糖糍粑！首先佢嘅賣相擺盤已經好吸引，旁邊仲有紅糖汁同埋黃豆粉。煙煙韌韌嘅口感再配埋甜絲絲嘅醬汁。一試難忘。