韓宮 (已結業)

黃埔有地鐵站好方便啊！不過我同老公同埋個女平時都會去黃埔玩嘅，今日心血來潮好想食韓國嘢。其實我知道老公唔係好想食，但佢都話去啦去啦去啦，所以就去咗啦因為阿囡同老公都唔食辣野，而我又想食炸雞，所以叫咗呢個甜甜地又香牛油味嘅炸雞！不過呢個炸雞嘅甜度有好似甜得滯，佢有啲好似糖霜定糖粉嘅沈喺炸雞面，都幾甜！呢個炸雞有得揀有骨同無骨， 為咗囡囡方便食我哋就揀咗冇骨！真係淡淡肉架！醬汁有少少似蜂蜜芥末咁，食落有啲似麥當勞嘅麥樂雞😂不過我覺得可以再熱啲，因為佢拎到嚟嘅時候只係暖暖地，我想食啱啱炸起個種熱辣辣！老公比較鍾意食呢種牛肉炒韓國粉絲，粉絲圓轆轆咁又滑脫脫而且咬落去有彈性，口感非常好！其實唔知佢點炒呢🤔佢炒得好香口，好惹味另外仲帶咗一個唔辣嘅牛肉石頭鍋飯比囡囡同老公食。 呢個石頭鍋飯夠晒熱，鍋底有好多飯焦啊！撈埋啲配菜食，成個飯好香，好脆口！而我在落咗啲韓式甜辣醬撈飯，口感更加香辣脆口！不過價錢有啲貴。