影片
更多
2018-03-22
383 浏览
同事送了兩張Sky 100既入場劵俾我，當然同我最愛既老婆去啦Sky 100就位於ICC,在九龍站附近，係香港既最高既大廈。上到去可以虎瞰成個香港既景色，可惜今日有點煙霞，望唔到太遠。全場唯一一間餐廳，Cafe 100, 係Ritz Calton既出品，可以話係獨市生意。餐廳係小小既cafe, 門面唔算大，但勝在霸住個無敵大靚景對住呢個景食野，真係心曠神怡，而且無人迫你交檯，坐幾耐都可以。本身諗住落返九龍站附近醫肚，但見到呢度推出左復活節tea set, 既然慳左張門票，就氹下老婆開心啦Cafe 100下午茶套餐見到個造型，成個木櫃三層高，就知要等老婆瘋狂地自拍相機先食先有我份啦。不過講真造型又真係幾吸引，因為我麻甩佬少去high tea,所以都忍唔住影左幾張。但我地對食物比較理智，好食先最緊要左：煙三文魚辣根忌廉泡芙煙三文魚唔乾身，加上忌廉非常好食。加埋三文魚子食晒人地一家大細有點唔好意思，但味道真係唔錯，平時少食到忌廉既配搭，底下既pancake好在唔甜，如果唔係就會好怪。右：藍蟹肉胡桃南瓜歐芹雜穀包聽到名甘長就知道唔野小。面包表面有好多南瓜籽同其他雜穀，但一啲都唔硬，面包好鬆硬，
Sky 100就位於ICC,在九龍站附近，係香港既最高既大廈。上到去可以虎瞰成個香港既景色，可惜今日有點煙霞，望唔到太遠。
全場唯一一間餐廳，Cafe 100, 係Ritz Calton既出品，可以話係獨市生意。
餐廳係小小既cafe, 門面唔算大，但勝在霸住個無敵大靚景
對住呢個景食野，真係心曠神怡，而且無人迫你交檯，坐幾耐都可以。
本身諗住落返九龍站附近醫肚，但見到呢度推出左復活節tea set, 既然慳左張門票，就氹下老婆開心啦
Cafe 100下午茶套餐
見到個造型，成個木櫃三層高，就知要等老婆瘋狂地自拍相機先食先有我份啦。不過講真造型又真係幾吸引，因為我麻甩佬少去high tea,所以都忍唔住影左幾張。
但我地對食物比較理智，好食先最緊要
左：煙三文魚辣根忌廉泡芙
煙三文魚唔乾身，加上忌廉非常好食。加埋三文魚子食晒人地一家大細有點唔好意思，但味道真係唔錯，平時少食到忌廉既配搭，底下既pancake好在唔甜，如果唔係就會好怪。
右：藍蟹肉胡桃南瓜歐芹雜穀包
聽到名甘長就知道唔野小。
面包表面有好多南瓜籽同其他雜穀，但一啲都唔硬，面包好鬆硬，而雜穀就脆脆地，幾有口感。中間夾住既就係蟹肉同西芹。份量都幾多，塗滿晒整個面包既中心，蟹肉加有小小蛋黃醬同碎蛋，估唔到三樣野夾埋一齊又幾好食，而且幾健康。
迷你松露忌廉雞肉酥
好香既松露味！未食已經聞到。上面既雞肉應該加左忌廉雖然好肥，但真係好香幾好食。而下面既酥好似千層酥甘，唔會實到好似成舊石頭甘，反面好鬆脆，香口。
紅桑子朱古力蛋糕
雖然造型可愛，但就係老婆最唔鐘意既一個。因為太酸！無辦法，女人係鐘意甜。但對於我黎講又ok，甜品有時都可以係酸酸地，幾開胃！而且甘多甜品，加個紅桑子酸酸地唔使甘滯嘛！
藍莓芝士蛋糕
藍莓非常甜，中間既芝士蛋糕軟林林，易入口，而飯底好脆，更
加上有復活蛋既造型，梗係我老婆既最愛，我食晒佢都仲影緊。
意大利芝士蛋糕
好香既朱古力及忌廉味，但美中不足係酒味唔夠重，可能我平時都鐘意飲返兩杯，所以就覺得可以要重酒味啲，但老婆覺得岩岩好，又顯示出男女大不同。
朱古力蛋型椰子芒果布甸
老婆同我既至愛！除左造型特別成隻雞蛋甘之外，味道仲好好添蛋黃其實係芒果布甸，好香濃既芒果味，而蛋白就係椰子布甸，非常香滑！
英式鬆餅
之前係英國食過英式鬆餅，一試難忘，仲唔再一舊實的的既餅，加上忌廉及士多啤梨醬會甘好食！今次再食依舊甘鐘意，梗係要塗滿成舊都係忌廉同士多啤梨醬！
麻甩佬表示雖然唔明點解女士甘鐘意high tea,但老婆非常滿意，亦估唔到我會肯同佢食呢餐，大家復活節想比驚喜另一半，識做啦
张贴
