鳴門魚市場居酒屋 (已結業)

今晚想食日本菜，經過荃新天地既嗚門居酒屋，睇到荃灣店食滿$100送$100 coupon下次使用，有咁既優惠，好吸引。餐廳環境都寬敞，好有日本風。睇到甘豐富既餐牌，已經有好多野想食，每樣都想食，最後決定刺身、壽司、串燒和一個烏冬。刺身非常新鮮，有七款，加拿大海膽好鮮甜，食完個口仲有甜味；赤蝦好大隻，肉質有彈性；日本水母第一次食，口感好脆，比魷魚仲要脆，好食。壽司我最鍾意帝皇蟹棒，蟹棒好鮮甜又紮實。串燒都唔錯。我地仲叫左時令飛機貨：活赤貝和活北寄貝，兩種有唔同口感，鮮甜美味。總括而言：呢餐飯有種俾到我去日本既感覺。