禮 (已結業)

疫情放媛，放寬可以晚間堂食，緊係急不及待外出消費下，好耐冇食串燒啦，行過太子附近見倒原來”禮”係呢度開左間分店，之前幫襯過九龍城(打鼓嶺道)果間，印象中食物質素唔錯架👍🏻。“禮” 一貫日式居酒屋格調，一張長Bar枱，另外幾張4-6人餐桌，簡潔企理。前菜 – 牛舌，非常林滑入味，切成丁粒非常有咬口蟹肉薯餅 - 入面蟹肉同薯蓉結合成餡料，入口creamy，外層炸漿薄薄一層，炸至金黃，做得非常酥脆可口😋。蟹膏玉子燒 – 呢個真心推介，超好食，玉子做得非常滑溜，中間包陷住流心蟹膏，味道非常濃郁鮮甜，外層仲鋪滿大量蟹子，放入口唔同鮮味同幾個層次嘅口感係口腔大爆發， 超好食。燒秋葵 – 好鍾意秋葵獨特嘅味道，上面鋪滿木魚碎，起左提鮮作用。燒鰻魚 – 肥美肉厚，外皮燒得乾身香口，肉質鮮嫩，入口油花充斥整個口腔，呢個都係要推介。媽媽鹹蛋豬肉捧 – 真係好似食緊媽媽煮嘅鹹蛋肉餅咁，好有家嘅味道。富士蘋果煙肉卷同埋青森青提豚肉卷，最有特色係加入甜美嘅生果，不但增加唔同口感，更可減少食肉嘅油膩。