影片
更多
2021-05-26
37 浏览
放工同友人行完K11在附近搵食，行到棉登徑附近，對腳又忍唔住行左去嵐橋🤣，睇下今晚餐牌食物，都幾吸引同好多款式選擇，一於又入去嘆番餐先😋嵐橋除咗地面鋪，仲有二樓和三樓，二樓都有個迷你壽司吧，唔使係樓下攞上嚟，同樣可以即做即食。餐牌真係有好多選擇，刺身、沙律、丼飯，燒物⋯⋯真係咩都想試吓😂刺身：鮮八爪魚🐙油甘魚，金線鯛；師傅連擺盤都花盡心思，八爪魚吸盤用竹籤一粒粒穿住，咁靚當然係手機先食。八爪魚和油甘魚微微燒過，帶出魚香，即彈牙又香甜。厚切金線鯛，肉質結實又鮮甜。海膽蔥花拖羅卷：層次分明，海膽鮮甜，夾着拖羅，飯內爽口青瓜，口感豐富。燒煎物：芝麻雞翼，鹽燒三文魚頭連鮫，煎沖繩豚肉餃子；燒物一上枱熱辣辣，香噴噴，皮燒得卜卜脆，三文魚可以連魚鰭骨都食埋。而且份量十分，大大碟，好味又抵食。餃子爆晒汁，醬汁有點麻辣，味道幾特別。昆布清酒煮蜆：辣味十足，加埋清酒，飲一啖湯成個人醒晒，大蜆肉鮮夾着好香嘅清酒味，十分滋味。黑松露帶子炒飯：炒飯真材實料，參唔多每羹飯都有帶子，而且粒粒分明唔油膩。加入適量黑松露，使炒飯更添香氣。餐廳無論刺身和熟食都十分出色，值得一食再食。
嵐橋除咗地面鋪，仲有二樓和三樓，二樓都有個迷你壽司吧，唔使係樓下攞上嚟，同樣可以即做即食。餐牌真係有好多選擇，刺身、沙律、丼飯，燒物⋯⋯真係咩都想試吓😂刺身：鮮八爪魚🐙油甘魚，金線鯛；師傅連擺盤都花盡心思，八爪魚吸盤用竹籤一粒粒穿住，咁靚當然係手機先食。八爪魚和油甘魚微微燒過，帶出魚香，即彈牙又香甜。厚切金線鯛，肉質結實又鮮甜。
海膽蔥花拖羅卷：層次分明，海膽鮮甜，夾着拖羅，飯內爽口青瓜，口感豐富。
燒煎物：芝麻雞翼，鹽燒三文魚頭連鮫，煎沖繩豚肉餃子；燒物一上枱熱辣辣，香噴噴，皮燒得卜卜脆，三文魚可以連魚鰭骨都食埋。而且份量十分，大大碟，好味又抵食。餃子爆晒汁，醬汁有點麻辣，味道幾特別。
昆布清酒煮蜆：辣味十足，加埋清酒，飲一啖湯成個人醒晒，大蜆肉鮮夾着好香嘅清酒味，十分滋味。
黑松露帶子炒飯：炒飯真材實料，參唔多每羹飯都有帶子，而且粒粒分明唔油膩。加入適量黑松露，使炒飯更添香氣。
餐廳無論刺身和熟食都十分出色，值得一食再食。
张贴
