禮 (打鼓嶺道)

营业中

休息中

都話過家陣來九龍城唔係一定要吃泰國嘢喇，今日再一次證明畀你哋睇。两個人，望住窗外來來往往的車輛，真係可以放空自己，任思緒飄遠……今日的前菜漬物小吃係牛脷，好爽口，感覺應該送酒食，但偏偏今日唔飲得酒。『媽媽鹹蛋豬肉棒』及『富士蘋果煙肉卷』寫明『必吃』，又豈能錯過。鹹蛋豬肉棒真心好吃，豬肉够入味軟腍，出邊的蛋黄够香又少少流質；煙肉卷香香脆脆，富士蘋果爽脆，很好的配搭。金菇牛肉卷就好少衰嘅，够新鮮就掂，呢度做到喇。汁燒紫菜飯團亦唔差，定食- 辛口沖繩豬手，亦意想不到的够腍够入味，仲有辛辣味，好開胃，最尾仲有驚喜，就係like fb或ig有雪糕送，超正，今日送嘅係芝蔴味雪糕。