影片
更多
2019-03-16
210 浏览
今日同朋友睇完戲夜媽媽想搵宵夜食，喺，openrice見到咁多like所以決定要試下，點知成個宵夜只可以用一個字形容:伏首先，呢度環境好舊，又細又迫，完全無居酒屋嘅感覺，再加上好似無開冷氣咁，成間餐廳有d焗。第二，服務麻麻，呢到明明寫營業至兩點，我地12點令鍾到，佢比點菜紙我地嗰陣就巳經話last order... 然後佢上菜速度慢，要杯水等左好耐都無，食完d碟又唔收。最後梗係要講下d食物，一個字，伏！有圖有真相，下面d相巳經show到佢d食物賣相有幾差。佢d串燒好普通，無咩特別調味，燒熟比你就算。完完全全破壞居酒屋串燒呢個名，我地好懷疑點解有咁多人比🙂芥末八爪魚奶油飯 ($48) - 唔睇返個餸名都唔記得有芥末，賣相好差，我朋友話令佢諗起失傳巳久嘅名將😂😂😂奶油飯 ($26) - 本身覺得個名幾特別所以想點黎試下。第一個感覺係唔明點解佢地好意思上呢個飯，鼓油飯加一塊牛油....鼓油撈飯咁，所以味道唔會差得去邊，但係點解居酒屋出現呢樣野？加埋個賣相，真係😨麻辣牛脷手打湯烏東 ($48)- 牛脷係凍嘅，味道一般鹽燒雞腎 ($32) - 味道正常，不過無鹽味，咬落唔韌，但有少少內臟腥味奴豆
首先，呢度環境好舊，又細又迫，完全無居酒屋嘅感覺，再加上好似無開冷氣咁，成間餐廳有d焗。
第二，服務麻麻，呢到明明寫營業至兩點，我地12點令鍾到，佢比點菜紙我地嗰陣就巳經話last order... 然後佢上菜速度慢，要杯水等左好耐都無，食完d碟又唔收。
最後梗係要講下d食物，一個字，伏！有圖有真相，下面d相巳經show到佢d食物賣相有幾差。佢d串燒好普通，無咩特別調味，燒熟比你就算。完完全全破壞居酒屋串燒呢個名，我地好懷疑點解有咁多人比🙂
芥末八爪魚奶油飯 ($48) - 唔睇返個餸名都唔記得有芥末，賣相好差，我朋友話令佢諗起失傳巳久嘅名將😂😂😂
奶油飯 ($26) - 本身覺得個名幾特別所以想點黎試下。第一個感覺係唔明點解佢地好意思上呢個飯，鼓油飯加一塊牛油....鼓油撈飯咁，所以味道唔會差得去邊，但係點解居酒屋出現呢樣野？加埋個賣相，真係😨
麻辣牛脷手打湯烏東 ($48)- 牛脷係凍嘅，味道一般
鹽燒雞腎 ($32) - 味道正常，不過無鹽味，咬落唔韌，但有少少內臟腥味
奴豆腐 (麻醬豆腐) ($34) - 對豆腐巳經無咩期待，食落去好似雪左好耐咁，所以無豆腐味
一口和牛串 ($78) - 味道都ok嘅，口感好淋。唔知點解會有水喺碟底，好奇怪
蜜糖八爪魚 (脆皮腸) ($32) - 係我天真，以為點樣可以八爪魚同脆皮腸一齊整到，點知原來只係切到好似八爪魚嘅脆皮腸 😑 算係全晚味道最好嘅，當然啦，脆皮腸係現成買，一定唔會難食，都爽口，係濃味左少少
冬菇 ($24) - 如果要讚唯一可以讚嘅係呢度嘅蔬菜整得幾好，因為唔會燒到好乾，呢隻冬菇燒到保留到d汁，所以幾淋
翠肉瓜 ($24) - 都係唔乾同保留到汁，我估佢應該係整熟左個蔬菜之後先喺個面係輕輕燒一燒，所以唔會乾哂縮哂水，算係咁啦
總括而言，所有野賣相都好伏，味道未至於難食，但唔會係好食囉，一定唔會再黎，下次宵夜都係去返一蘭算。
张贴
