銘記潮汕牛肉粉麵 (已結業)

身為籍貫潮州嘅人，真係好鍾意食牛肉河粉！呢一間位於油麻地地鐵站幾步距離，居然提供雪花牛頸脊、吊龍伴、牛柏葉、牛黃喉嘅選擇。定位可能比一般嘅高少少，但係食落肚嘅梗係着重味道👅分別叫咗一個牛魔王河粉同咖喱牛坑腩飯 。牛魔王已經包含晒牛頸脊、牛丸、牛柏葉、牛骨髓、牛黃喉，湯底特別清甜，河粉滑捋捋，最特別嘅佢仲可以轉做淮山麵。咖喱飯份量好足，咖喱唔會太辣，濃郁夠香！炸魚皮當然不能夠缺少，魚皮香脆，沾沾牛肉湯再加少少辣椒油，完美(⁎⁍̴̛ᴗ⁍̴̛⁎)另外仲叫多碟蠔油生菜🥬！餐廳仲可以俾你買當火鍋底料