夢娜尼泊爾餐廳 (已搬遷) 新店位置

今日肥鴿約左一位好耐無見既朋友出黎食飯，我地揀左呢間係佐敦個頭既尼泊爾餐廳  佢個位置係廟街入邊，其實都唔容易搵，要比多D時間~坐低之後，對尼泊爾飲食文化知得唔多既我地叫左：雞肉味餃子 (尼泊爾人稱MOMO)，咖哩魚同薯仔薄餅，另外仲叫左芒果同香蕉兩杯乳酪飲品 (Lassi)，一解夏天的悶熱 上菜啦~首先黎到既係雞肉餃子，我地叫左煎既，另外都有蒸餃可以揀。餃子有十隻，煎到火候剛剛好，外層香口既同時都唔會覺得太乾，內餡亦都好新鮮同豐富。其實可以配合中間既紅色酸辣汁一齊食，但肥鴿覺得本身已經好夠味所以無點到 XD咖哩魚味道幾好，但好細碟同埋食唔出有魚肉，係三碟當中最普通既。薯仔薄餅好有咬口，而且本身已經落左唔少調味，我地本來叫呢個薄餅係想用黎點咖哩魚，但後來發現分開黎食都可以。兩個女仔叫左三個餸，食完都已經有D飽飽地，不過一場黎到，我地都想試下有尼泊爾特色既甜品，於是就叫左一人一個尼泊爾雪糕試下。呢款雪糕既顏色好特別，係鮮黃色既~肥鴿無問到佢地既製作過程，不過佢地應該係落左黃薑粉。雪糕上面有少許果仁，增添左香氣同口感。食落口會食到一絲絲既纖維感，唔知又係D咩呢 XD 其實份雪糕好似比平時既