醉翁亭火鍋館 (已結業)

行開深水埗，見到太子都有醉翁亭，一於會一會佢個羊腩煲！太子站一出就搵到，好就腳。之前食過兩間，覺得太子最好坐，有sofa 卡位。對上兩次冇試到羊腩煲，今次諗都唔洗諗，馬上落單。同其他分店一樣，食完覺得太濃，可以換過清湯底。送既頭盤一樣豐富，牛肉係我最愛，睇d 雪花真係好難係出面食得返。太子店有d 唔同，竟然唔係送鮑魚，而係送燕窩湯羹，好足料，湯羹非常濃郁。羊腩煲冇令人失望，2人份量好足夠，腩皮蚊到好淋好入味，食左個煲已經滿足晒。下次要再食過。