CHiLL-i (已結業)

當日去駱駝漆同朋友去睇傢俬，之後想同場搵嘢食，傢俬店老闆話樓上11樓有餐廳，之後上去樓上揀咗呢一間西餐廳入去食。出奇地有意外驚喜，上盆好靚，睇得出係用心整嘅食物。使落去乾牛扒出奇地十分好食，有炭燒味，好腍，有肉香。朋友點嘅意粉亦十分出色。細問之下原來個廚師係酒店出身，怪唔之得食物咁有水準。服務態度十分好，食物亦都好有水準好有心製作，環境亦都好舒服，價錢我覺得一啲都唔貴每個人圍起都係百七蚊左右，有甜品有嘢飲有餐湯，我覺得好值得喇，完全冇諗到駱駝漆可以食到呢種質素嘅西餐值得推薦畀大家。