旺記冰室 (九龍中心大廈)

营业中

休息中

係附近做完嘢，夜晚一個人搵餐廳食晚飯，9點半既關係，好多都收咗鋪，突然諗起想食呢間又未收鋪，即刻過去！店員都幾有禮貌，因為佢地10點收鋪，入去前都事前同我講10:15要離開，反正都打算快食，我覺得無問題。日本滑蛋叉燒蝦仁雙拼飯，$64，跟餐飲熱檸茶。即刻坐低叫，好快就送到嚟，廚師就收工，個飯都同以前一樣份量，貌相同之前差唔多。滑蛋配埋個豉油好香，叉燒就有少少鞋，但可接受，蝦都大大隻，算爽口。食完之後發現，成間餐廳得返我一個人，我快快食完都吾阻人收工。