麻辣小聚 (93WYS) (已結業)

今日同我既好姊妹慶祝我地相識10周年，特意揀咗間係牛頭角麻辣小聚食下川菜，因為我地兩個都好鬼鍾意食辣，又聽人講呢間餐廳嘅水煮魚好食，咁當然我哋去到都第一時間點左份$228回味水煮魚先啦，接住我哋想中和反少少，就叫咗碟$88拍蒜炒萵筍絲。想講個回味水煮魚一上枱，已經聞到好濃嘅麻香味，真係好吸引，魚肉多入口嫩滑，食落又鮮又辣，正呀！另外，碟炒萵筍絲d蒜蓉味都好入味，吾會話食落好淡無味咁！今餐我同好姊妹都食到好飽，我哋仲好期待下次再嚟試其他特色菜式！