影片
更多
2010-10-26
34 浏览
本小姐喺佐敦番工,想回應吓之前個食評呢間餐廳我都有留意,因為裝修同設計都好吸引好光猛我都幫襯過兩次,D拉麵真係幾好食,份量及味道都好好,價錢不算貴但應該改善一吓,就係餐廳內氣氛最深刻一次係一合個星期六放工,同D同事周圍搵嘢食,大概八點鐘,唔駛等位我哋叫了三碗拉麵,拉麵麵味道真係唔錯,但食到一半聽到一聲巨響(你哋睇吓門口D客啦!),原來個拉麵師傅(應該係老細)大聲喝個同事留意出面D客全埸即刻肅靜,望去門口,原來開始有人等位,同埋個個都以為門口發生咩事,跟住我哋三個密密食,放D比返張枱佢(好唔好意思)點知見個老細喺度鬧個女仔快D周圍傾水,見個女侍應眼濕濕照做,見佢好委屈,我哋快快食完即刻走返到公司同D同事講番件事,原來佢哋都知道,佢哋話晏畫仲恐佈,短短半個鐘食拉麵時間,見個老細不停抦人,搞到佢哋食唔安坐唔落,就好似戰場一樣,所以之後佢哋寧願行遠D去茶餐廳食好過,D阿叔好好人過佢哋其實我哋係個叻叻食客,見你哋有客等位,會自動自覺快D食比番張枱你,見你哋忙唔會要你哋傾茶,但最想要求除咗食物質素之外,最重要提供一個舒適環境比我哋,雖然唔係鬧我哋,但就好似同我哋講一樣,好似趕我哋走,而且D同事比你
呢間餐廳我都有留意,因為裝修同設計都好吸引好光猛
我都幫襯過兩次,D拉麵真係幾好食,份量及味道都好好,價錢不算貴
但應該改善一吓,就係餐廳內氣氛
最深刻一次係一合個星期六放工,同D同事周圍搵嘢食,大概八點鐘,唔駛等位
我哋叫了三碗拉麵,拉麵麵味道真係唔錯,但食到一半聽到一聲巨響(你哋睇吓門口D客啦!),原來個拉麵師傅(應該係老細)大聲喝個同事留意出面D客全埸即刻肅靜,望去門口,原來開始有人等位,同埋個個都以為門口發生咩事,跟住我哋三個密密食,放D比返張枱佢(好唔好意思)
點知見個老細喺度鬧個女仔快D周圍傾水,見個女侍應眼濕濕照做,見佢好委屈,我哋快快食完即刻走
返到公司同D同事講番件事,原來佢哋都知道,佢哋話晏畫仲恐佈,短短半個鐘食拉麵時間,見個老細不停抦人,搞到佢哋食唔安坐唔落,就好似戰場一樣,所以之後佢哋寧願行遠D去茶餐廳食好過,D阿叔好好人過佢哋
其實我哋係個叻叻食客,見你哋有客等位,會自動自覺快D食比番張枱你,見你哋忙唔會要你哋傾茶,但最想要求除咗食物質素之外,最重要提供一個舒適環境比我哋,雖然唔係鬧我哋,但就好似同我哋講一樣,好似趕我哋走,而且D同事比你鬧完,仲邊有心情招呼我哋呢?請老細三思
希望下次幫襯佢哋會改善
放鬆D啦!香港人
张贴