饗和民本格串燒.旬鮮料理

今日朋友生日，午餐就去咗荃灣廣場嘅和民，一坐下，見到餐牌款式超多，日式定食、壽司、丼飯應有盡有，眼花繚亂中揀咗個壽司拼盤定食。

擺盤精緻！壽司種類豐富，蟹籽壽司卷咬落卜卜脆，蟹籽鮮甜彈牙；握壽司部分，三文魚脂香四溢，玉子燒帶蛋香，帆立貝壽司鮮甜夠嫩。配菜都好用心，茶碗蒸滑到好似豆腐，沙拉清爽解膩，配埋碗迷你烏冬麵， 超滿足

最抵係「第四位半價」優惠，幾個朋友一齊食，人均落嚟好抵！下次想食日式料理，一定再嚟！和民呢餐，無論味道、擺盤定價錢，都值得推介，鍾意日料嘅朋友唔好錯過～