尚點 小籠包.上海麵館 (元州商場) (已結業)

尚點食過其他分店，今日試長沙灣呢間又覺得唔錯喎。入面環境舒服，我哋兩個人坐個卡位好闊落。酸辣湯＄28，因為純粹想試吓，所以我哋點咗一碗份量，都好足料，味道酸中帶有辣味，幾開胃鮮肉小籠包＄38/4件，每粒小籠包都好飽滿，外皮較厚身，夾起上嚟冇咁易穿，最得意嘅位係小籠包上面會開咗一個洞，可以直接喺上面吸湯，我就擔心啲成隻放入口，唔使點醋都夠味道。鮮肉小雲吞＄36/10粒，係小籠包嘅比較下，雲吞嘅味道就冇咁強，如果鍾意皮薄嘅人會喜歡自選涼菜＄79/4款，呢個真係幾抵食，可以試到四款小菜，同埋有彈性，可以自己揀，有凍有熱，個人鍾意蒜蓉四季豆，佢真係每條四季豆都沾上蒜蓉，好久味道，朋友就鍾意茄子。排骨擔擔麵＄62，每次去食上海菜都必點擔擔麵，呢度擔擔麵勁多花生醬，麵條煮得夠林，會給晒啲湯汁雞扒擔擔麵＄62，原來排骨同埋雞扒嘅炸法係唔一樣，我個人就鍾意排骨嘅外皮，感覺冇咁油，兩款都係薄薄地一塊，如果再熱啲會更好。