上海小籠皇 (已結業)

今日黎到食咗個下午茶。叫左一個排骨麵，跟餐可以配雞絲粉皮/ 烤夫等小食，我就叫左個煎鍋貼。鍋貼可以煎得更加香脆，但係勝在裏面嘅肉汁好豐富，咬落啖啖肉。成日都唔記得上海野嘅排骨就即係豬扒，而且大部份都係指炸豬扒。雖然同我諗嘅排骨有出入，但係呢個炸豬扒都做得幾好食，炸粉唔會太厚，而且相當香脆，食落又唔會好油膩，豬肉嘅肉汁仲係度，唔錯呀！反而係個麵覺得有進步空間，個湯底真係太淡，如果唔同埋豬扒一齊食嘅話真係冇乜味。而且麵條都煮得太稔啦，我比較鍾意有咬口有着勁嘅面。