大鍋口海鮮火鍋店 (已結業)

上次嚟呢間大鍋口已經係兩年幾前嘅事， 今晚朋友慶祝生日，主角想打邊爐，又重臨舊地。呢度出名火鍋放題，食物其實都算有好多選擇。 先講湯底，由於每個人都有不同的口味，好多時都會叫鴛鴦湯底，但呢度嘅鴛鴦湯底竟然要加48蚊! 我哋叫咗番茄豬軟骨鍋，啲豬軟骨其實唔係好肥，但成煲嘢都油，遠睇仲以為我哋食緊麻辣火鍋。叫咗手切肥牛，第一碟嚟嘅肥牛，偏肥，為咗唔好浪費食物，硬著頭皮照食。第二次再叫嘅肥牛先至叫正常啲。叫咗是日海鮮，但其實只係幾隻蜆仔，另外啲白鱔同鯇片，都唔算好新鮮。唯一安慰嘅係啲蝦都算大隻同鮮甜。呢度有我個朋友好鍾意食嘅萵笋，唔係有好多火鍋店都有得食。 坐夠兩個半小時，阿姐就趕我哋走了。