丼瀛 (已搬遷) 新店位置

首先要多謝自己八月份生日,今日就有幸得到一班同事嘅愛戴請我嚟食殺絲咪丼感恩感恩 事前都有啲啲詭異架喇,話說為食同事小姐朝早打去諗住訂定枱,點知職員話要當日嘅一星期前先至接受訂座喎,咁好啦諗住遲啲再打,點知去到晏晝另一個為食同事小姐打去訂,丫~~~又冇問題喎,到底係職員嘅問題丫,定係佢哋即日改例呢?大家自己諗下喇🤭 呢間餐廳嘅位置喺工廠大廈入面,如果我哋唔係喺附近番工,都真係未必會嚟試到,我哋一行十個人,都差唔多霸咗佢哋半間舖嘅位咁滯喇,所以地方唔算大,佢哋嘅裝修格局亦都係普普通通,家庭式經營咁。 望望餐牌,丼款嘅種類都唔小,但我一向怕腥嘅好多魚生我都唔食,所以可以選擇嘅菜式都唔多,我就揀咗F set嘅北海道海膽三文魚爆丼,價值$128蚊,包一杯味噌湯同埋一杯前菜沙律。 味噌湯：十分之咸,飲咗一小口已經冇再飲喇,但我有食哂裡面嘅小豆腐嘅,盡可能都唔想浪費 前菜沙律：正常嘢,生菜加車厘茄,落咗胡麻醬 北海道海膽三文魚爆丼：賣相係唔錯嘅,望落去都新鮮,三文魚唔會太多肥油,最奇怪嘅事係有一隻溏心蛋?!份量對我嚟講都算多,啲飯食唔哂......至於味道方面,三文魚係好OK嘅,同埋有5塊,都夠食,