珊瑚堡 (已結業)

乜俾人插得咁犀利呀？哈...我耐唔耐都會幫襯大埔珊瑚堡，覺得佢都可以接受o丫，唔係差得咁緊要o者佢o的服務就真係弱o的o既，貪平請o的小朋友就係咁o既後果我都見過有一個相信係部長級(但都係好後生)o既女侍應o係o的客面前鬧另一個侍應我覺得佢做錯你應該鬧，不過唔係o係客人面前囉等於o係街坊面前打仔一樣，只會令人更加覺得你唔識教仔另一樣o野唔好係佢通風差，吸煙區同廚房o既煙成日都飄到成間餐廳都係，多少影響客人情緒所以點解我大力贊成食肆全面禁煙食物方面其實算唔錯，我欣賞佢o的湯而o的扒多數時間都keep 到水準，rush hour 就難講o的，唯有係話佢o的人經驗唔夠其實自從金柏俾無良商人「迫遷」而水準大跌之後，珊瑚堡同已經轉手o既畢打奧(適雅)係大埔區兩間有水準o既餐廳扒王之王係威係勢，但係貴夾難食如果要揀我寧願去珊瑚堡喇。