🍲 皮蛋瘦肉粥
粥底滑但味道偏淡，皮蛋同瘦肉都唔算多，屬於基本款，冇乜驚喜。
🌯 雞絲腸粉
腸粉皮薄得嚟唔會爛，雞絲略乾，甜豉油救返少少分～中規中矩。
🐔 鮑汁鳳爪
鳳爪炆得夠腍，鮑汁味道唔錯，但整體偏淡，唔算突出。
🦐 鮮蝦粉果
粉果皮唔錯，蝦肉爽口，係成餐最有水準嘅一款，值得一試。
🍆🌶️🍠 煎釀三寶
三寶包括茄子、青椒、釀豆腐，煎得香口，唔油膩，魚肉餡滑身但味道普通，冇太大驚喜～不過作為配角都算合格。
👨💼 服務方面
侍應態度一般，唔算熱情但都叫做有交代，落單速度尚可。
📍食物冇乜特別驚喜，但出品穩陣，環境舒服，價錢合理，適合平日飲茶聚腳，可以做街坊之選。
尚德早茶 #海港酒家 #皮蛋瘦肉粥 #鮑汁鳳爪 #鮮蝦粉果 #煎釀三寶 #腸粉日常 #港式點心 #街坊茶聚 #中規中矩 🥢🍵🧊[
IMG:2][
IMG:4]
1
