尚夢・茳煳 (已結業)

睇過幾個朋友個blog介紹，呢間新派私房中菜，似乎應該唔錯，那個海星湯，令我印象好深刻。不過朋友話夜晚價錢雖然不是太貴，但最好都要夾人黎寫下菜先食到真功夫，於是經過灣仔呢日，同老婆黎食下。原來係以前食蟹個舊舖，仲有兩層高，樓上有幾個私人房間，真係幾好，幾個朋友食飯一流。下午有午餐同下午茶選擇，有啲肚餓，倒不如寫午飯餐。點了茳煳醉鷄同XO醬陳村粉蒸斑片，有前茶，湯品，主食，甜品，$118-$148不等，算價錢可以。係樓下見到有人食牛肉餅勁大份，不過都係唔想食太多肉，點了醉鷄，點知醉鷄又係多，差唔多有半隻。醉鷄味道剛好，不太濃烈個酒茶，送飯一流，特別讚飯好好食，似日本米的味道。XO醬陳村粉蒸斑片，係排骨同斑片之間選了斑片，同陳村粉激夾，送上了豉油，如果你覺得唔夠味，可以再加。兩個甜品都係糕點，椰汁糕特別正，要食下。係呢個咁方便嘅地方，食物水準標準，不過真係坐得好舒服，如果有機會想同朋友嚟試吓佢嘅特別中菜晚餐，可以plan下，不過如果你同我一樣想先感受環境氣氛，先來個午餐也不錯。