今晚約咗位做生意的朋友, 佢話帶我去一間香港少有的中菜館
是晚我搭港鐵去到西營盤站(有mtr方便得多) , 不過落車後都要行幾分鐘
門面就似西餐廳, 無諗過入到去.......左手邊是賣洋酒的地方, 都似西餐廳
不過, 上過樓梯後以為是平日酒家的大廳, 咦....服務員一直的帶我走了幾條非常寬敞的大走廊
走廊的旁邊還擺放住各式各樣的中國氣息的裝飾物, 相信價值亦不菲
經過3-4條大走廊後, 終於來到是晚用膳的大廳了
最入的位置是廚房, 一大片透明玻璃可看到多位廚師在烹煮
哦.....都唔係好大啫, 眼看大約十多張4-6人圓檯
錯啦...後來經理同我講, 整個尚品薈有4萬多呎
原來我剛才經過的走廊旁, 以及前方都是房間來的, 非常適合公司親戚朋友一大班人聯誼吃飯的包箱來的, 私隠度高
食中菜必先"開茶", 我地點咗清清的香片
其實大廳的空間都是非常寬敞, 檯與檯之間都不會很埋, 傾偈都唔怕比隔離檯聽到
環境是舒適潔淨, 係高級既中菜館
服務員遞上菜單, 第一個令我著迷就是....
呢個↓椰汁燉官燕 (未開飯就掛住食甜品) 女生就是這樣囉
重點是: $98咋!!! 仲要送多件榚點, 起出邊邊食得到呀!
剛好優惠期至到31/7/2016, 我有福了~
可能附近多商業中心, 平日中午多做套餐
不過晚上就沒有, 只可以a la carte
餐牌上有日常菜色, 也有高級的鮑參翅肚
1
我已點了一客燉官燕, 所以不能食得太好, 點番家常菜色就可以了~不然很有罪惡感
1
朋友見我要了糖水, 佢就要飲湯: 點了一客有養顏潤肺作用既杏汁燉白肺湯
一上檯聞到香濃的杏汁味道
奶白色的濃湯濃郁又足料, 即時打開左大家既胃口
然後來個開胃菜: 西班牙黑毛豬咕嚕肉
用既係新鮮菠蘿, 有誠意!
咬一口橙紅色的黑毛豬肉, 外皮仲有d脆口, 肉係半肥瘦的
平日盡量少肉的我, 不知不覺都食咗幾件
香煎芘芭豆腐, 有西蘭花伴碟, 帶出多點翠綠, 不失金黃豆腐單色的單調
芘芭豆腐內有香蔥肉碎, 帶出香味!
最好來個荷葉飯
打開"荷葉蓋", 滿載炒飯的荷葉包, 飄出荷葉香味
荷葉飯內容豐富, 有蛋絲, 雞肉, 瑤柱, 冬菇等, 味道豐富, 飯粒乾身不會黏埋一舊舊
全程侍應服侍周到, 會幫我地添飯添茶
最後的飯後甜品, 就是我一入座就看中的"椰汁燉官燕" $98超抵
未上檯前, 以為優惠價都是不足料, 或者整得好求其
誰不知....是非常的足夠, 羹羹都有很多燕窩, 食到底都仲有, 而且椰香味充足, 甜味又剛好, 不會勁甜!
女士間唔中都要食番啲養顏補品嘅
$98仲要送埋棗皇榚 (另外的小南瓜是經理送的)
所以一次過滿足幾個願望, 因為我鐘意食甜品囉 XD
小南瓜內裡是紅豆茸, 不過不失 (當然是之前吃畢的燉官燕最好食啦)
尚品薈的確給我感覺是高級, 尤其以包房特別給一班好友/生意伙伴來聚餐或團體飯宴
有些房間有獨立大螢幕, 可作開大型會議, 卡拉OK等活動
更有房間特設廚房, 可帶自己御用廚師即場煮食; 還有獨立酒吧, 私隱度又高, 而且裝潢華麗
應該外間的中式酒樓一家未見過
用既碟子都非常特別, 又大體,
若果帶長輩或生意伙伴, 一點都不會得失
中午時段是供應點心的, 下次有機會要試試
