影片
更多
2016-05-15
3160 浏览
好耐都冇係星期六放過假，平時又要忙住補習同返兼職，真係名副其實一個繁忙兒童呀，今次終於可以趁佛誕放下假！本身約咗朋友係尖沙嘴睇美國隊長，咁睇之前就打算食個brunch。我地係戲院附近行下，行行下行到去棉登徑，原來成條棉登徑有好多新餐廳，都幾多人食，我地睇咗幾間，最尾揀咗呢間叫Dabyida Restaurant and Bar去食brunch。一入到去間餐廳，就已經feel到好有feel，燈光暗暗地，幾浪漫，哈哈！餐牌有六款主菜可供選擇，而我就揀咗炭燒雪花西冷扒配黑松露燒汁。主菜黎之前我就去食住前菜先，唔好睇間餐廳好似細細間咁，前菜都有好幾款野食架！前菜一定唔少得沙律，仲有幾隻醬汁比客人揀。我最喜歡嘅就莫過於係風乾牛肉同風乾火腿，平時好少機會食到風乾牛肉架，真係好好味呀！除咗肉乾外，我特別推介佢地嘅芝士系列，有三款芝士，而我最喜歡就係黑松露芝士，個黑松露味令人一試難忘！食咗一陣前菜之後，主菜終於黎啦！塊西冷牛扒好大塊，大過我隻手掌呀！牛扒周圍有d青紅黃椒同青瓜做配菜，仲有幾塊脆薯角。牛扒食起來有淡淡黑松露醬汁味，又唔會喧賓奪主，搶咗牛扒嘅味道，唔錯唔錯！食完主菜我就叫咗一杯凍檸檬茶做餐
本身約咗朋友係尖沙嘴睇美國隊長，咁睇之前就打算食個brunch。我地係戲院附近行下，行行下行到去棉登徑，原來成條棉登徑有好多新餐廳，都幾多人食，我地睇咗幾間，最尾揀咗呢間叫
Dabyida Restaurant and Bar去食brunch。
一入到去間餐廳，就已經feel到好有feel，燈光暗暗地，幾浪漫，哈哈！
餐牌有六款主菜可供選擇，而我就揀咗炭燒雪花西冷扒配黑松露燒汁。
主菜黎之前我就去食住前菜先，唔好睇間餐廳好似細細間咁，前菜都有好幾款野食架！前菜一定唔少得沙律，仲有幾隻醬汁比客人揀。我最喜歡嘅就莫過於係風乾牛肉同風乾火腿，平時好少機會食到風乾牛肉架，真係好好味呀！
除咗肉乾外，我特別推介佢地嘅芝士系列，有三款芝士，而我最喜歡就係黑松露芝士，個黑松露味令人一試難忘！
食咗一陣前菜之後，主菜終於黎啦！塊西冷牛扒好大塊，大過我隻手掌呀！牛扒周圍有d青紅黃椒同青瓜做配菜，仲有幾塊脆薯角。
牛扒食起來有淡淡黑松露醬汁味，又唔會喧賓奪主，搶咗牛扒嘅味道，唔錯唔錯！食完主菜我就叫咗一杯凍檸檬茶做餐飲，之後就係食甜品嘅時間。
可能前菜太好食嘅關係，再加埋個主菜之後已經飽飽地，所以我只係吃了兩款甜品。我分別食咗檸檬味馬卡龍和慕絲蛋糕。個馬卡龍非常鬆軟，陣陣檸檬味，好香！個慕絲蛋糕上面有d碎蘋果粒，同蛋糕一齊食個囗感好好呀！
食埋甜品之後我同朋友就滿足地去睇戲啦！张贴
