韓屋

营业中

休息中

平時經過金巴利道都會見到有好多韓國菜餐廳，見到呢間餐廳-韓屋成日都會有好多人排隊。今次早啲嚟排隊，終於試到啦～ 我地兩個人叫咗一份拌飯、湯同餃子。-醬炒牛肉石鍋芝士拌飯🧀拌飯中嘅芝士份量好足料，可以做到拉絲效果，芝士控必叫😍 裡面有牛肉、芽菜、翠玉瓜、蘿蔔絲、菠菜，配料豐富。配埋醬汁食落味道剛剛好，調味比較清淡健康，唔會有味精味。食到底時會有啲脆脆嘅飯焦，口感豐富又夠曬香，正呀～-鮑魚蔘雞湯🍲雞肉煮到好軟淋，肉質嫩滑唔會鞋。鮑魚幾新鮮，但有啲細隻😂 雞殼入面仲放咗人蔘、糯米、紅棗等好滋補嘅材料，相信冬天食會好暖身好正。-泡菜餃子王🥟餃子王同泡菜餃子王都可以單隻咁叫，就一定唔怕食唔晒啦！因為我本身好鍾意食泡菜，所以就叫咗泡菜餃子王啦。估唔到一隻餃子份量都好大隻好足料，裡面餡料豐富，食落啖啖肉！