真‧章魚無雙 (已結業)

假期最鍾意去尖沙嘴行街！下午茶時間行到攰想搵啲小食醫下肚，之後發現章魚無雙都喺尖沙嘴插旗！而且地理位置都好近地鐵站，行幾分鐘就到喇😆😆😆櫻花蝦章魚燒外脆內軟，上面嘅櫻花蝦亦都絕對非常足料，配上木魚，每一啖都好入味。絕對係咁多款入面會推介嘅一款。黑松露章魚燒作為黑松露嘅愛好者，呢度嘅黑松露醬絕對會話係啱我嘅口味，佢呢一款亦都非常之夠味，而佢嘅章魚燒亦都好大粒，行街行到好肚餓食一食一定可以填飽你嘅肚。