影片
更多
2022-09-01
2124 浏览
嚟到尖沙咀，朋友帶咗去食一間新開嘅泰國菜！入到去呢間泰國菜係酒吧嚟，感覺好chill，上到去餐廳嘅2樓個景係可以轉換嘅，非常之適合打卡㗎！不過呢啲食物就真係好一般，定價過高又未到呢個質素服務都係一般，真係不可一不可，如果係尖沙咀呢個價錢可以有更加好嘅選擇！🍴 虎蝦炒金邊粉 $228 (3/10) 另收加一一上枱二百幾蚊得勁細碟😅仲少過茶記啲炒粉麵，咁都唔緊要，個味道都真係好一般，完全同出邊同一個餐廳嘅差天共地😅個金邊粉係有啲豆乾，雞蛋芽菜韭菜，啲配料真係好少，個金邊粉係好煙韌咬唔爛，個味道係酸酸甜甜咁，都真係偏酸偏甜，冇平時出邊泰國餐廳食都係咁香咁好食，懷疑係咪冇用到泰國香料？冇乜泰式風味…..就算加咗青檸同花生碎都麻麻哋，個蝦係正常嘅，蝦肉都彈牙有質感，全碟最好食就係隻蝦！二百幾蚊味道好普通份量又好少，質素真係唔得囉🥲🍴芒果斑斕糯米飯 $168 (2/10) 另收加一都係冇諗過百幾蚊嘅糯米飯可以啲過出邊幾十蚊一兜嘅糯米飯😂佢嘅擺盤懶係精緻，糯米係非常之熱，有少少斑斕味，椰汁同埋芒果係少到不得之了，不如就咁叫糯米飯啦，芒果用嚟點綴，真係¼隻芒果都冇呀🙄椰汁仲有好少，淨係食糯米飯，個份量
🍴 虎蝦炒金邊粉 $228 (3/10) 另收加一
一上枱二百幾蚊得勁細碟😅仲少過茶記啲炒粉麵，咁都唔緊要，個味道都真係好一般，完全同出邊同一個餐廳嘅差天共地😅個金邊粉係有啲豆乾，雞蛋芽菜韭菜，啲配料真係好少，個金邊粉係好煙韌咬唔爛，個味道係酸酸甜甜咁，都真係偏酸偏甜，冇平時出邊泰國餐廳食都係咁香咁好食，懷疑係咪冇用到泰國香料？冇乜泰式風味…..就算加咗青檸同花生碎都麻麻哋，個蝦係正常嘅，蝦肉都彈牙有質感，全碟最好食就係隻蝦！二百幾蚊味道好普通份量又好少，質素真係唔得囉🥲
🍴芒果斑斕糯米飯 $168 (2/10) 另收加一
都係冇諗過百幾蚊嘅糯米飯可以啲過出邊幾十蚊一兜嘅糯米飯😂佢嘅擺盤懶係精緻，糯米係非常之熱，有少少斑斕味，椰汁同埋芒果係少到不得之了，不如就咁叫糯米飯啦，芒果用嚟點綴，真係¼隻芒果都冇呀🙄椰汁仲有好少，淨係食糯米飯，個份量一個手掌心都冇喎🫠
🍴 Coconut Smoothie $58 (5/10) 另收加一
杯嘢正正常常，椰子沙冰，甜甜地有椰子味嘅，覺得係用咗出邊現成嘅椰汁加冰打就算，一粒椰肉都唔會食到，咁就買$58，淨賺$50😂
推薦指數:0/10
又貴又唔好食，環境又唔係特別好，服務都係一般，咁嘅價錢咁嘅質素真係唔會再去，咁貴嘅價錢分量咁少，味道仲要唔好食，大家真係唔好再去中伏啦！
张贴
