影片
更多
2021-08-31
42 浏览
同朋友一行四人慶祝生日，尖沙咀餐廳來講，呢間勁多好評，決定試試。首先座位闊落，而且燈光音樂都好正，係久違了嘅酒吧😭😭嘢食選擇都好多，我哋叫咗Pizza、兩個意粉、雞翼、豬手、仲有甜品，超級豐富，而且樣樣都好食。首先係Pizza，超級新鮮熱辣，芝士非常足料，一路食一路拉C，蕃茄醬又fresh， 餅底柔軟熟 食得好開心。然後素菜扭卷粉，個扭卷粉出色，捲氣咗嘅地方包住晒番茄醬，而且個粉口感好好，真係好正，仲有三舊水牛芝士，分量十足絕無欺場。北海道鮮帶子扁意粉，呢個好惹味，因為有少少辣，但就算唔食辣嘅人都食到，嗰種辣係真係得少少，係令你食落去開胃啲個種，然後帶子好大粒，煎得好靚，淨係食粒帶子都回味無窮。雞翼味道OK，但冇諗過個份量係咁多，超脆外皮，飲啤酒一流👍🏻咁多樣嘢食，最好味一定係呢隻德國鹹豬手，切落去果下就知有料到，外皮脆到不得了，但啲肉有肉汁，而且容易切，好少餐廳可以整到咁完美，好耐冇食過咁高質嘅鹹豬手，感動😭最尾個甜品拼盤都係好豐富，雪糕都兩款，我好鍾意開心果味，一食落去又係真材實料，唔係啲假味，另外最值得讚嘅係Tiramisu，講真我已經食到好飽，但個Tiramisu真係好食到可以
同朋友一行四人慶祝生日，尖沙咀餐廳來講，呢間勁多好評，決定試試。
首先座位闊落，而且燈光音樂都好正，係久違了嘅酒吧😭😭嘢食選擇都好多，我哋叫咗Pizza、兩個意粉、雞翼、豬手、仲有甜品，超級豐富，而且樣樣都好食。
首先係Pizza，超級新鮮熱辣，芝士非常足料，一路食一路拉C，蕃茄醬又fresh， 餅底柔軟熟 食得好開心。
然後素菜扭卷粉，個扭卷粉出色，捲氣咗嘅地方包住晒番茄醬，而且個粉口感好好，真係好正，仲有三舊水牛芝士，分量十足絕無欺場。
北海道鮮帶子扁意粉，呢個好惹味，因為有少少辣，但就算唔食辣嘅人都食到，嗰種辣係真係得少少，係令你食落去開胃啲個種，然後帶子好大粒，煎得好靚，淨係食粒帶子都回味無窮。
雞翼味道OK，但冇諗過個份量係咁多，超脆外皮，飲啤酒一流👍🏻
咁多樣嘢食，最好味一定係呢隻德國鹹豬手，切落去果下就知有料到，外皮脆到不得了，但啲肉有肉汁，而且容易切，好少餐廳可以整到咁完美，好耐冇食過咁高質嘅鹹豬手，感動😭
最尾個甜品拼盤都係好豐富，雪糕都兩款，我好鍾意開心果味，一食落去又係真材實料，唔係啲假味，另外最值得讚嘅係Tiramisu，講真我已經食到好飽，但個Tiramisu真係好食到可以食晒，因為個cream好滑，係滑到不能相信，放入口你只會有兩個表情，一係碌大眼話超滑，一係就合埋眼發出好味嘅嗯一聲。
另外仲有啲mocktail，三個口味都出色，平時我係唔會飲，因為mocktail都好容易賴嘢，但我件衫個friend飲得咁開心咁滿意，我就叫咗杯菠蘿冰，飲落口除咗菠蘿味仲有薄荷味，總括而言就係好清新嘅夏日飲品😊
张贴
