影片
更多
2023-05-27
44 浏览
為咗慶祝簽紙 4周年，決定同老公揀間高级日本餐廳食餐好嘅～🍣呢間居酒屋唔止有串燒、刺身壽司，仲有鐵板燒同 Omakase，一於睇下同平時嘅居酒屋有咩分別！本來想食 Omakase 嘅，🍱不過擔心會有食咗會敏感嘅嘢，所以都係散叫～餐廳喺尖沙咀嘅酒吧街，喺一幢裝修得幾靚幾嘅 hotel 入面，大堂嘅暗黑時尚風格，未上到去已經有種高級嘅格調。😁而餐廳有分室內室外同 VIP 房，室內嘅喺木系裝潢，牆身掛咗幾幅京都嘅相，中間有一大張圓形高枱，食客圍住師傅坐，一邊食一邊欣賞師傅嘅功架！🧑🏻🍳而室外掛滿日式燈籠同彩旗，好有屋台嘅感覺，適合返工食串燒兼啤一啤！食物方面，雖然定位係高级日本餐廳，服務同食材都比較高質，其實散叫嘅價格都算親民，💓串燒都係廿幾蚊串，刺身壽司都係 $40件左右，可以按預算去揀自己食啲咩，豐儉由人！🐟甘鲷魚立鱗燒 $168甘鲷魚立鱗燒真係好出色，魚皮煎到金黃色，而且非常脆，好似食緊脆片咁，而魚肉亦超級嫩滑，彈牙鮮甜，加埋拌碟嘅海鮮辣醬，微微嘅辣加埋胡椒，辟腥之餘仲有提鮮嘅效果，必叫！🍣壽司10貫 $398壽司都係由廚師發辦嘅，當然唔係件件都自己鍾意，亦分唔到咩魚打咩魚，但每件嘅
餐廳喺尖沙咀嘅酒吧街，喺一幢裝修得幾靚幾嘅 hotel 入面，大堂嘅暗黑時尚風格，未上到去已經有種高級嘅格調。😁而餐廳有分室內室外同 VIP 房，室內嘅喺木系裝潢，牆身掛咗幾幅京都嘅相，中間有一大張圓形高枱，食客圍住師傅坐，一邊食一邊欣賞師傅嘅功架！🧑🏻🍳而室外掛滿日式燈籠同彩旗，好有屋台嘅感覺，適合返工食串燒兼啤一啤！
食物方面，雖然定位係高级日本餐廳，服務同食材都比較高質，其實散叫嘅價格都算親民，💓串燒都係廿幾蚊串，刺身壽司都係 $40件左右，可以按預算去揀自己食啲咩，豐儉由人！
🐟甘鲷魚立鱗燒 $168甘鲷魚立鱗燒真係好出色，魚皮煎到金黃色，而且非常脆，好似食緊脆片咁，而魚肉亦超級嫩滑，彈牙鮮甜，加埋拌碟嘅海鮮辣醬，微微嘅辣加埋胡椒，辟腥之餘仲有提鮮嘅效果，必叫！
🍣壽司10貫 $398壽司都係由廚師發辦嘅，當然唔係件件都自己鍾意，亦分唔到咩魚打咩魚，但每件嘅魚生都新鮮肥美，有啲爽口有質感，有啲鮮甜油脂十足，就連一向唔食有皮魚生嘅我都一件連一件！
🐮厚切雪花牛舌芯 $68牛舌芯砌到一粒粒，肉質彈牙，香口，送酒一流！
🐮美國安格斯牛小排 $148牛小排表面煎得微脆香口，肉質鮮嫩多汁，最啱食肉獸！
🐟油甘魚鮫 $138自從上次食過好正嘅魚鮫，今次又叫嚟試下，呢件無上次嗰間咁大，不過魚味更足，同樣啖啖肉！
🐉鹽燒白鱔 $88平時我真係唔敢食白鱔，怕佢多骨，不過呢度處理得好好，啖啖肉，表面燒到微微焦香，肉質鮮嫩！
🦃燒雞腎 $28燒雞腎彈牙香口，同樣都係送酒佳品！
🍽️—------------------------------🍽️
🍢特色拼盤 $148如果唔知食咩串燒好，可以先叫呢個拼盤，有廚師精選嘅 3款肉類 + 2款時令野菜燒物串燒 + 1杯啤酒，樣樣都試啲再追加，咁就唔怕撞款！
🐥自家製免治雞肉棒配日本雞蛋 （$48）
喺幾款串燒入面，免治雞肉棒最好食！口感豐富，而且勁多肉汁，沾埋蛋汁一齊食，就更加滑！
🐷鹽燒黑豚腩肉 （$32）
黑豚腩肉調味唔錯，鮮嫩多汁，不錯！
🐓手羽先（$28）
雞翼拆開嚟燒，燒得均勻，外脆內嫩，食嘅時候更方便！
🫑日本青椒仔（$28）
第一次食青椒仔，原來無想像中咁難入口，反易青椒嘅草青味同口感可以中和到肉類；串燒嘅油膩感！
🍆燒茄子（$48）
食得肉多，食茄子返啲嘅感覺好唔錯，好似吸走口入面嘅油咁，罪惡感大減！
张贴
