雪寮 (已結業)

今日國慶放假，約左個好耐冇見既朋友仔。介紹左之前食過一次既雪寮俾佢。雪寮係間新派甜品飲品店，主打雪耳桃膠、糖水飲品，仲有咸、甜既厚吐司。岩晒我尼位養生又鍾意食甜野既寶！除左外賣自取，店舖仲有幾張透明既枱凳供客人享用。 本身打算食個tea，冇諗過尼個寶居然話要試晒新出果個「滋養雪耳」系列。因為太多款式啦！當然冇全部嗌晒，唯有下次再同佢黎食其他口味啦！ ⦁白雪椰皇滋養雪糕 $68尼杯看似普通既椰皇雪糕，其實入面有好多層次，奶香好重既雪糕，椰殼內有滿滿既雪耳，最底層就係牛奶奶凍。 ⦁自選奶酥厚吐司 $32自選多士可以揀兩款唔同口味既奶酥醬！今次揀左英式伯爵茶香橙同小山園焙茶。兩款茶香味重，個人比較喜歡伯爵茶既清，而寶就覺得焙茶味突出又夠香。奶酥醬厚身濃郁配埋厚多士非常惹味。 ⦁滋養梳打 $24/杯我地一人一杯，揀左蜜桃、熱情果口味！水果甜甜既口味，加埋雪耳，有口感之餘，仲好fresh添！滋養梳打仲有薑檸口味，飲落應該幾特別😋！ 另外果幾款滋雪糕包括姜檸脆棗、洛神草莓、蝶豆椰子，聽個名都覺得好正，好特別！而咸味吐司入面既蘭王旦，睇個樣都好吸引，下次帶大佬黎食先😬！