嘢食好有創意既酒吧餐廳🍴
咁啱嗰日仲要係T1 vs KT 喺大螢幕睇勁有feel
▫️秋香姐 $88
係mocktail嚟🍸
入面有薑啤，椰奶等 調得好好
有浸好香嘅椰子味 好有驚喜
加埋好多芒果爆珠 口感滿滿
▫️香辣蒜粉Shake Shake茄子 $78
好特別！茄子切咗條再炸 避風塘嘅口味
超級惹味 辣得嚟都食到蒜嘅香味
一定一定要趁熱食！
▫️紅酒燉牛尾肉｜蕃茄羅勒巴馬臣芝士汁大通粉 $168
牛尾肉燉得好腍 入味得嚟 份量好多
個醬都幾好味 蕃茄酸甜 配埋芝士 超級夾
有啲羅勒更加香 通粉煮得啱啱好 而且好掛汁
▫️香烤三黃雞配海虎蝦 $248
賣相超吸引 份量都好多 夠2-3個人share
三黃雞外皮烤得好脆 肉都好嫩滑 好juicy
海虎蝦食得出幾新鮮 調味啱啱好
仲配埋一個野菌汁同埋蒜蓉薑 想食乜嘢風味都得
呢間餐廳嘅菜式菜式全部都好有心思！
酒類嘅名都好得意 環境都好chill
要同朋友聚會既大家 可以book mark呢間😆
