影片
更多
2021-06-19
7754 浏览
如果覺得筲箕灣激安燒肉工房比較遠嘅話，可以去尖沙咀驚安燒肉商店，係佢地嘅分店黎嫁！平時食燒肉通常都係連鎖集團式，但依間係黃店燒肉，而且價錢唔貴，質素仲幾好添💛**********< 九宮格燒牛盛盒> $288依個盛盒有九款牛肉，分別係A4和牛、厚切牛舌腩、Prime牛小排、安格斯牛仔骨、薄燒頂級肉眼、生薑燒小牛扒、汁燒護心肉、壺漬牛肋肉及芫荽辣漬牛梅花🐮店員建議先食原味牛肉，之後再食醃肉，由淡味至濃味去燒！牛肉整體色澤粉嫩夠新鮮，調味亦醃得適宜，好適合兩個人share，咁就可以每款都試下😍**********<柚子漬雞肉山> $38呢座雞肉山份量超多好抵食，加埋有成十幾塊，柚子漬感覺會清新啲，重點係燒出黎嘅肉質完全唔鞋，仲好嫩滑啊🐥**********<鮑魚> $28海鮮方面叫左一隻鮑魚，雖然燒耐左少少但都唔會好乾，本身上面灑左少量椒鹽，所以直接食已經好好味😆**********<牛油芝士金菇> $28一開始諗緊要牛油芝士定牛油蒜蓉金菇，最後叫左比較少見嘅牛油芝士，好彩無揀錯！記住要等到啲牛油同芝士燒熔曬先食，可以拉到絲嫁
**********
< 九宮格燒牛盛盒> $288
依個盛盒有九款牛肉，分別係A4和牛、厚切牛舌腩、Prime牛小排、安格斯牛仔骨、薄燒頂級肉眼、生薑燒小牛扒、汁燒護心肉、壺漬牛肋肉及芫荽辣漬牛梅花🐮店員建議先食原味牛肉，之後再食醃肉，由淡味至濃味去燒！牛肉整體色澤粉嫩夠新鮮，調味亦醃得適宜，好適合兩個人share，咁就可以每款都試下😍
**********
<柚子漬雞肉山> $38
呢座雞肉山份量超多好抵食，加埋有成十幾塊，柚子漬感覺會清新啲，重點係燒出黎嘅肉質完全唔鞋，仲好嫩滑啊🐥
**********
<鮑魚> $28
海鮮方面叫左一隻鮑魚，雖然燒耐左少少但都唔會好乾，本身上面灑左少量椒鹽，所以直接食已經好好味😆
**********
<牛油芝士金菇> $28
一開始諗緊要牛油芝士定牛油蒜蓉金菇，最後叫左比較少見嘅牛油芝士，好彩無揀錯！記住要等到啲牛油同芝士燒熔曬先食，可以拉到絲嫁🧀
**********
<芝士年糕> $28
依個燒芝士年糕可以當甜品，配煉奶食味道甜甜鹹鹹，不過比較難燒會好易燶，如果可以燒到金黃脆皮嘅話應該會更加好食😌
**********
<紫菜月見飯> $28
驚唔夠飽嘅話可以叫個飯，紫菜月見飯即係紫菜、蛋黃加飯素伴飯，其實齋食個飯唔洗配燒肉都可以食得曬成碗🍚
张贴
