味道樂居酒屋 (河內道) (已結業)

每次想食日本嘢就會嚟到尖沙咀這間「味道樂居酒屋」餐廳雖然不大但裝修好有日本風格，牆上掛上很多特色的懷舊裝飾，餐牌上的食物很多選擇亦有多款節日套餐！北海道真蠔生蠔是餐廳今日的特別推介，所以點了兩隻試下，果然有驚喜，份量有手掌般大隻，粒粒脹卜卜，入口新鮮爽甜，蠔味香濃，值得推介。三文魚腩壽司三文魚色澤新鮮，入口肥美，好好食😋加州反卷一疊有六件，件件都份量十足，壽司飯煙煙韌韌面頭加上大量蟹籽，爽口得黎口感亦都好豐富。流心芝士燒年糕年糕皮燒至微焦香口，芝士味濃郁，熱辣辣軟綿綿。牛肉壽喜燒天氣涼涼地食壽喜燒就最好，食完暖笠笠，牛肉好鮮嫩，豆腐好滑，蔬菜吸入湯汁好甜好入味😋