陳小館 (已結業)

約左朋友尖沙咀行街，行到加連威老道見到一間叫(陳小館)，有小炒又有啫啫煲，好似幾惹味咁你，終於入咗去食，原來更係新開張營業。燈光十分光猛，大致上環境整潔，坐得舒服。一般而言，尖沙咀一帶很難找到一些中菜小館，皆因大多數都是食西餐、泰國菜、日本菜等，而這裏可做到水準高而價錢合理。四人座位都好寬敞。最喜歡有圓枱，仲有電視機睇，適合一家大細。菜牌有很多款式，有小菜還有海鮮食。叫咗兩蛊燉湯，各有功效，左邊海底椰燉豬展$48，潤喉潤肺。右邊花旗參燉雞$48，清熱解毒。金磚豆腐$48，即炸的豆腐，能夠做到香口及外脆內軟滑的口感。黃金魚皮$68，魚皮好大塊又夠薄，好入味，送酒一流。砵仔白飯$15豉椒蟶子皇$68/隻，店主即日從海鮮巿場採購，保證新鮮，肉質爽滑，咬口彈牙。啫啫雞煲$88，豬潤不會太鞋口，雞件都好軟滑，乃不錯之選。啫啫芥蘭煲$88，份量十足，配以蝦乾同肉碎爆炒後的芥蘭，更加惹味。