川婆婆 (寶勒巷) (已結業)

近日想食燒肉同時又想打邊爐，呢度打邊爐係串串鍋嘅形式幾特別，今次我就揀咗新鮮農場靚牛串串套餐 ，套餐有100分鐘仼食，時間非常充足！湯底揀咗鴛鴦鍋，一邊係麻辣鍋另一邊係養生菌皇雞湯，呢度嘅麻辣鍋好特別，係全港首創嘅茶底麻辣。鍋配料串串有肉類:豬牛羊雞 海鮮類:魷魚，同各種蔬菜丸類都有，一串串穿好，方便拎、方便食。今次食呢個餐我就揀咗牛頸脊，肉類好新鮮，牛頸脊好有牛味👍🏻肉類同海鮮新鮮都幾高質，羊肉幾好食！海鮮有鮑魚、蝦、聖子同沙白，每日新鮮送到，每款海鮮都好新鮮，鮑魚好爽彈❤️而且仲有好多款海鮮配料仼你選擇，有牛、羊肉串、鴨血、黑柏葉、丸、蔬菜等等，食物選擇都算多，整體質素屬於中常👍🏻，值得一試！