影片
更多
2022-09-05
18 浏览
今次推介嘅係位於尖沙咀君怡酒店入面嘅火鍋店，店內裝修好有老台灣味道，座位寬敞，大部份都係卡位，亦設有圓枱俾大group人，環境十分之舒適👍🏼御．前膠原蛋白美人鍋拼麻辣鍋🍲 - 由於我哋又想食辣又想食唔辣，就叫咗鴛鴦雙拼鍋😈 麻辣鍋我哋叫咗小辣，果然係香麻得來又易入口，唔太食得辣都唔怕！至於膠原蛋白美人鍋就好驚喜，湯底好濃飲得出係老火湯，誠意之作，食野之前都忍唔住飲咗幾碗👍🏼👍🏼而且入面仲有好多桃膠，非常滋補💁🏻♀️✨秘製肉鬆響鈴(小食)🥐($88) - 通常響鈴都係點落湯嚟食，呢個就係當小食咁即食，響鈴炸得非常鬆脆，冇油益味，配埋肉鬆鹹鹹甜甜，唔錯嘅餐前小食。滑溜溜麻辣鴨血(小食)🦆($68) - 正宗台灣鴨血，煮到非常之入味，完全冇腥味，做得到滑溜溜嘅口感。手切騸牯牛頸脊(小)🥩($468) - 店員教淥一淥到粉紅色就可以食，果然口感嫩滑，牛味唔會比濃湯遮蓋，淥到半熟依然有肉汁，係好高質嘅肉😋八星報喜手打丸拼盤🍢($118) - 兩個人嗌唔到好多種丸，叫拼盤就至啱啦👍🏼 用一個好似旋轉木馬咁嘅拼盤上菜，淨係打卡都玩10分鐘🤣 拼盤入面有黑松露蝦丸，鵝肝蝦丸，海膽墨魚丸同黑椒牛肉丸。全
御．前膠原蛋白美人鍋拼麻辣鍋🍲 - 由於我哋又想食辣又想食唔辣，就叫咗鴛鴦雙拼鍋😈 麻辣鍋我哋叫咗小辣，果然係香麻得來又易入口，唔太食得辣都唔怕！至於膠原蛋白美人鍋就好驚喜，湯底好濃飲得出係老火湯，誠意之作，食野之前都忍唔住飲咗幾碗👍🏼👍🏼而且入面仲有好多桃膠，非常滋補💁🏻♀️✨
秘製肉鬆響鈴(小食)🥐($88) - 通常響鈴都係點落湯嚟食，呢個就係當小食咁即食，響鈴炸得非常鬆脆，冇油益味，配埋肉鬆鹹鹹甜甜，唔錯嘅餐前小食。
滑溜溜麻辣鴨血(小食)🦆($68) - 正宗台灣鴨血，煮到非常之入味，完全冇腥味，做得到滑溜溜嘅口感。
手切騸牯牛頸脊(小)🥩($468) - 店員教淥一淥到粉紅色就可以食，果然口感嫩滑，牛味唔會比濃湯遮蓋，淥到半熟依然有肉汁，係好高質嘅肉😋
八星報喜手打丸拼盤🍢($118) - 兩個人嗌唔到好多種丸，叫拼盤就至啱啦👍🏼 用一個好似旋轉木馬咁嘅拼盤上菜，淨係打卡都玩10分鐘🤣 拼盤入面有黑松露蝦丸，鵝肝蝦丸，海膽墨魚丸同黑椒牛肉丸。全部手打丸都打得非常彈牙，其中我最鍾意黑松露蝦丸，黑松露同蝦嘅配搭永遠冇得輸😎
酒香白肉秘製豬腩片🥓($88) - 呢款豬腩片特別之處係佢有帶有微微嘅酒香，我會推介放落麻辣嗰邊淥黎食，麻辣香味配上酒香味非常夾😋
鮮做韭菜餃(半份)🥟($48) - 大大粒嘅餃子皮薄餡靚，餡料好充足，鍾意食韭菜嘅你就唔可以錯過👉🏻
野生大竹笙(半份)($88)/水耕生菜苗($68)🥬 - 食咗咁多肉類，都要食返啲蔬菜類中和下嘅，呢度嘅蔬菜非常新鮮，用美人鍋嘅湯底去淥，滋補養顏得黎又健康🥰
张贴
