花圖 (已結業)

行完海港城無印，路經呢間花圖嘅餐廳，見到佢門面氣勢磅礴，金碧輝煌，以為自己去左博物館咁。睇返個餐牌，其實價錢都唔算好貴，所以入去試下。門口係圓形大堂，隱藏的門口一推開，彷彿進入左夜上海一樣，別有洞天。估唔到餐廳地方咁大，經過幾個大廳才到裡面的雅座。我地揀左套餐，包含前菜三小碟，爵士湯，鮮胡椒蟹皇焗海蝦，珍菌紫玉，龍蝦膏海膽炒飯同甜品。前菜係桂花荔枝汁漬荷蘭串茄，黑松露帶子餃，陳皮香草醬焗伊比利亞豚肉。串茄好juicy, 桂花荔枝汁吊出了串茄本身嘅鮮甜。帶子餃皮薄得黎好Q彈，松露味道好出好香。豚肉入口即融，陳皮香草醬好好味。爵士湯嘅神獸器皿令人驚喜，好可愛，打卡一流。呢個湯好fusion, 味道有d似龍蝦湯，但湯料卻係中式嘅海味，非常鮮甜，而且味道濃郁，好開胃。鮮胡椒蟹皇焗海蝦好大隻，肉質鮮甜，口感彈牙，而且煮得恰到好處。酸辣嘅醬汁的味道非常惹味，加上鮮胡椒的香氣，讓呢個菜更加好味。龍蝦膏海膽炒飯嘅龍蝦膏非常多，而且好香，炒飯炒得好乾身，粒粒分明。海膽都好新鮮，融合在炒飯裡面帶來額外嘅鮮甜。呢間餐廳食物質素高，環境又靚，如果喜歡fine dining, 又鍾意食中菜，呢度絕對係不二之選。