影片
更多
2022-11-05
180 浏览
驚安燒肉商店📍尖沙咀金馬倫道48號中國保險大廈3樓C號舖同朋友約咗去尖沙咀食晚飯慶祝萬聖節，佢仲突登請咗半日假，真係辛苦晒！呢間燒肉店係佢bookmark咗喺google map度嘅，就等我嚟食下佢好唔好味啦！ 💰$48豬頸肉 🐖豬頸肉切得好厚身，但因為脂肪比例平均，所以即使燒耐啲都唔會韌，而且燒完仲有陣陣油香味，幾正！不過佢呢款豬頸肉無咩點用醃料醃過，我建議可以點佢嘅燒肉醬同蒜蓉一齊食，咁就唔會咁寡！ 💰$68日式味噌黑豚五花 🐖因為我唔食牛嘅關係，朋友都就晒我，揀晒啲牛以外嘅燒物俾我。不過值得一提嘅係我上OpenRice睇過餐廳食物嘅相，見到有一個好似九宮格咁嘅肉盤俾佢吸引咗先決定嚟食，但嗰款原來只係得牛肉，唔食牛嘅話其實選擇唔算多，所以估計餐廳都係賣牛肉為主。話雖如此，佢嘅豚肉都好出色，我哋最後仲追加咗第二盤添！呢款味噌黑豚五花比豬頸肉更好味，佢每一條都好長，油脂分布平均，味噌醬亦夠晒濃同多，燒完香噴噴，超級好食！惟一要小心嘅就係唔好燒同一面太耐，否則佢咁薄身又咁多醬就好易燶同乾！ 💰$48 雞皮餃子 🐓🥟上次碌ig見到有foodie介紹食雞皮餃子，身為日本控、雞皮控、餃子控(下
📍尖沙咀金馬倫道48號中國保險大廈3樓C號舖
同朋友約咗去尖沙咀食晚飯慶祝萬聖節，佢仲突登請咗半日假，真係辛苦晒！呢間燒肉店係佢bookmark咗喺google map度嘅，就等我嚟食下佢好唔好味啦！
[價錢 Price]
💰$48
豬頸肉 🐖
豬頸肉切得好厚身，但因為脂肪比例平均，所以即使燒耐啲都唔會韌，而且燒完仲有陣陣油香味，幾正！不過佢呢款豬頸肉無咩點用醃料醃過，我建議可以點佢嘅燒肉醬同蒜蓉一齊食，咁就唔會咁寡！
[價錢 Price]
💰$68
日式味噌黑豚五花 🐖
因為我唔食牛嘅關係，朋友都就晒我，揀晒啲牛以外嘅燒物俾我。不過值得一提嘅係我上OpenRice睇過餐廳食物嘅相，見到有一個好似九宮格咁嘅肉盤俾佢吸引咗先決定嚟食，但嗰款原來只係得牛肉，唔食牛嘅話其實選擇唔算多，所以估計餐廳都係賣牛肉為主。
話雖如此，佢嘅豚肉都好出色，我哋最後仲追加咗第二盤添！呢款味噌黑豚五花比豬頸肉更好味，佢每一條都好長，油脂分布平均，味噌醬亦夠晒濃同多，燒完香噴噴，超級好食！惟一要小心嘅就係唔好燒同一面太耐，否則佢咁薄身又咁多醬就好易燶同乾！
[價錢 Price]
💰$48
雞皮餃子 🐓🥟
上次碌ig見到有foodie介紹食雞皮餃子，身為日本控、雞皮控、餃子控(下刪一萬字⋯⋯)嘅我，居然聽到未聽過，所以自從睇完個post都好想試下佢係咩味。估唔到今次嚟驚安用手機點餐嘅時候，居然俾我發現有得食，所以即刻叫咗份嚟食！
佢嘅雞皮好長好大塊，餃子餡多到隻隻都脹卜卜，而且雞皮油而不膩，食落無咩皮下脂肪，亦燒得好脆口，點埋佢個七味沙律醬真係一級棒，最高！
[價錢 Price]
💰$36
明太子月見飯 🍳🍚
唔好睇佢細細碗，其實飯量都多，好飽肚！上面嘅明太子醬同蛋黃都係偏深嘅橙黃色，撈起碗飯，每粒米都沾滿蛋醬同明太子，但一啲都唔腥，超級好食！
[價錢 Price]
💰$32
一口冷麵 🍜
成餐比較失色嘅係嘅個冷麵，除咗佢真係得一口就食得晒嘅份量，就係佢個酸得嚟唔太夾嘅泡菜。其實以麵質嚟講，係幾特別嘅，佢似韓國嗰種水冷麵質地，咬落煙煙韌韌，但實在太重酸味，所以唔鍾意食酸嘢嘅我食咗一啖之後就交咗俾朋友KO佢。
[價錢 Price]
💰$28
可爾必思梳打 🥤
去得日式餐廳要叫嘢飲，我都會揀最穩陣嘅可爾必思梳打，一嚟係佢好清新，好啱清走食燒肉嘅油膩感，二嚟就係佢唔似燒酌咁多口味，咁易中伏。所以呢杯梳打的確大杯得嚟又唔伏，但亦無咩特別，普普通通。
順帶一提，佢哋午市加一後全單有七折優惠，我哋兩個人食咁多嘢埋單都係$262，喺尖沙咀呢啲旺區嚟講好經濟實惠，性價比好高，推介大家去試下！
张贴
