驚安燒肉商店

营业中

休息中

本身係食肉獸，平時間唔中就會去食下燒肉，趁就黎新年，約左幾個朋友聚會，大家都不約而同話要食燒肉，就黎左呢間尖沙咀既和牛燒肉店，之前食過覺得幾好食，所以今次又黎翻啅試下☺️🟦柚子漬雞肉山 雞肉肉質鮮嫩，就算燒熟左都唔會好鞋好乾！柚子漬酸酸地，夠晒開胃😍🟥一圈入魂 個名好正😝😝😝我覺得有個加分位係佢每款肉都有4份，4個人黎share就岩岩好，唔洗有啲人無得食某一款咁，幾細心。而呢個拼盤仲可以試到牛既唔同部份，例如牛五花、封門柳、三角腩咁，和牛質素幾好，鮮嫩多汁juicy！一燒完更加咇晒啲和牛味出黎添丫😍 🟧和牛壽喜燒 呢個會有店員幫手燒架，店員用火槍即時係你面前燒和牛，睇到都流晒口水，若果想食生啲，都可以跟返自己要求同店員講，仲可以加埋蛋漿，我而家諗返都覺得正！當然淨係食肉唔夠，梗係要返啲澱粉質！ 佢哋嘅紫菜月見飯同埋蔥香月見飯都好出色，食到我哋幾個都好飽好滿足🤩🤭