花月宮 (已結業)

朋友食過呢間覺得幾好食，同我過咗嚟呢邊聚會！貪呢度坐得寬敞！✨黑松露野菌鍋超級多野菌！簡直係菇控嘅天堂！而且當啲菇留喺湯底耐啲，啲湯底味會滲咗入去！真係好好食！✨黃金脆蟮球本身脆蟮呢啲咁考功夫嘅菜式，其他舖頭都要百幾蚊！竟然咁平，就已經食到出乎意料好食嘅鹹蛋黃表皮嘅脆蟮！仲要感覺一啲都唔油膩！✨薄切牛舌心份量超級多，好似食極都食唔晒咁！而且質地爽口好食✨自家製脆炸『芝心』響玲超級芝心！入邊超級多濃郁芝士！✨掛架頂級安格斯牛小排份量都好多，牛肉味幾重，而且冇咩筋！一開頭有乾冰夠晒有睇頭✨檸檬薏米水幾個朋友一齊share啱啱好！幾酸，可以消除油膩感之餘好醒胃