圓山台灣料理 (已結業)

美麗華商場旁有一間圓山台灣料理，地點非常方便，同屋企人行完街就過左來飲茶，因為飲茶點心選擇豐富又抵食，深受媽媽喜歡。招牌炒飯，超級一大碟，份量足夠4人食，米飯粒粒爽，不油不膩，不乏蝦仁，腩肉丁，非常惹味！一定要食招牌雪影叉燒包！新鮮滾熱辣系一定的，而佢個酥皮又堅吸引人，一層層蒲在面頭，似蜜瓜包層酥皮，入口即化，同餡非常夾。好欣賞佢入面叉燒餡，爆漿！叉燒醬汁十分juice,蜜汁叉燒不肥，滿滿的全是叉燒！真難得，其他酒樓飲茶d酥皮叉燒包邊有咁多餡！呢個系實實在在叉燒餡！非常正！春風香脆百花腸，飲茶最喜歡食d特別的點心，呢款春風香脆百花腸比較罕見，我地就點左來試下。粉皮Q滑，脆脆的油炸鬼入面再包住粒大大的蝦仁，手工精細，好味。蟹籽肉汁燒賣，熱辣辣大大粒，相當飽滿，飲茶必點。雲南野生菌素餃，透明水晶皮，口感Q彈，值得一試。香煎馬蹄糕，估晤到咁好味，不會太甜，口感非常好，原粒大馬蹄十分清甜，一定要試一下。