Teddy Boy (已結業)

出開尖沙咀好多時都黎厚福街搵食，見到呢到開左古惑仔主題冰室，新開做緊8折就試試佢！好搞笑啲古惑仔公仔都有聖誕裝飾，好有氣氛🤣整體食物質素都好ok，而且份量都幾多，多人黎share就最好喇😋😋🔸柚子沙律$98柚子的份量都好多，配上泰素醬汁同櫻花蝦，都好惹味！🔸海鮮炒粉絲$118唔想食太飽所以叫左個炒粉絲，材料都幾豐富，魷魚、蝦、青口都有，仲有雲耳、蛋絲、蕃茄仔等等。🔸冬陰功湯(細)$108呢個好推薦，本身我都好鐘意冬陰功、喇沙呢啲重口味既湯底，我哋叫左細碗都超大兜，有蝦有菇，唔會好辣，幾好飲👍🏻🔸泰式珍多冰、芒果沙冰🍹🧋泰式特飲就無得較甜度，所以對我黎講就甜左啲🙈