去到7月31之前黎點一龍都可以食到一共有11款來自德哥精心設計既一系列川菜。餐牌有寫到唔同既菜式有唔同既辣度，可以照顧到唔同喜好既食客。我地今次就食左其中幾款喇：
雲片白肉
其實即係蒜泥白肉，見到片片肉片大大塊，肥瘦相間。我驚太辣所以餐廳好親切咁幫我地辣汁另上，倒左落去d白肉度即刻蒜香撲鼻。
水煮牛肉
成碗紅卜卜咁勁澎湃，薄切既牛肉份量都好多食落好嫩滑又好軟稔，底下既芽菜同其他配料吸哂個湯底既精華，咬落爽口又麻香帶勁。
魚香蝦球
蝦球浸左係特製既醬汁度，除了有豆瓣醬，好似仲落左d酒釀既材料，食落味道係咸中帶甘甜，好特別又好惹味。粒粒蝦球都新鮮彈牙又掛到汁。
馳名擔擔麵
擔擔麵睇個湯底都知香濃醇厚，充滿芝麻同油香。飲左啖湯質感細滑順喉，麵上面有d肉臊，連麵食落帶咸香好滋味。
紅油抄手
粒粒抄手飽滿又大粒，香辣開胃。
紅糖糍粑
甜品既糍粑係粒粒方形既，出面炸到金黃色，入面質感軟糯咬落去又煙韌，做到內軟外脆既效果。出面再淋左d黑糖醬，甜而不膩。
。
。
點一龍 (海港城)
尖沙咀廣東道3-27號海港城港威商場地下G103號舖
。
。
