Jan Jan 串揚專門店 (尊豪坊) (已結業)

成日聽到大阪既名物串揚，香港就有宜間專門店可以食到。今日同朋友黎到食午餐，我地就點左一個丼飯set同一個串揚set，各有一個主菜，前菜，和風沙律，味噌湯同飲品。特選串揚定食 148 +18宜個串揚套餐一共有6款唔同既串揚，另外仲有2個飯團。串串金黃色既串揚熱辣辣咁送上黎，打完卡就即刻趁熱食喇。6款串揚有雞肉紫蘇卷，海膽湯葉卷，安格斯特級肉眼牛，年糕，茄子同冬菇。炸衣係好薄好薄既，食落唔覺油膩，配埋特定既醬汁同鹽食，食材既味道更突出。肉眼牛肉質好嫩，年糕好煙韌。2個飯團入面係醃菜黎，充滿日式家庭風味。火山丼A4鹿兒島炙燒和牛 148 +48個飯十分吸睛，上面舖滿半生熟既炙燒和牛。和牛充滿油花，厚薄適中，顏色粉嫩。飯中間有隻半熟日本蛋，可以拮爆佢再用蛋汁撈埋飯同牛肉同洋蔥燒汁一齊食，更加惹味。。。Jan Jan 串揚專門店 (尊豪坊)尖沙咀赫德道25號尊豪坊1樓。。