LV.4 90分鐘烤肉放題🔥│ $368起 (假日會貴啲)
放題分咗4個等級，主要睇食咩肉。
由炸雞、豬肉、牛肉，去到韓牛；最平嘅炸雞放題只係$169🍗。Level越高，小菜選擇都會越多🤤。
LV.4 已經包晒全部肉類！
♥ 1++ 韓牛肉眼 🥩
🌟金色牛牛上枱都幾有氣派🐄！
韓牛肉質係偏瘦一啲，食落比較有咬口，味道帶啲奶油感，但又唔會太油。就咁燒嚟食定係整生菜包都正🥬！
(留Quota食韓牛，今次冇特別嗌五花肉)
♥ 牛肉壽司
店員會幫你即刻燒🔥
燒到啲飯都有啲焦香咁係好味喎👍🏻！
塊牛肉好薄，食落有啲似和牛咁嫩口，肉味都濃郁！
♥ 炸雞🍗8款口味任食
每款嗌咗一嚿試吓
最好味都係蒜香醬油，甜甜哋好惹味🫶🏻
♥ 海膽炸蝦飯卷 ( 海膽味唔太岀但好味)
♥ 生拌牛肉
♥ 烤芝士年糕片 ( 經典小食🇰🇷煙煙韌韌)
♥ 韓牛餃子湯 ( 好大隻 皮薄餡鮮味🍲)
♥ 火山芝士泡菜炒飯
♥ 韓式炒粉絲 ( 夠乾身、唔油👍🏻 )
♥ 雞蛋卷
其實仲有泡菜湯、冷麵、炸醬麵、魚糕湯等等，不過已經食唔落 (好廢🙈)！
♥ 韓國烤鰻魚 │ 追加 $38@1
原來即烤係可以咁爽脆😳，仲食到魚嘅膠質同少少幼骨嘅質感，不過$38蚊嚿係有啲奢侈🤏🏻
2
