影片
更多
2020-04-27
622 浏览
酒店餐廳，服務正，風境靚，野食就...——前菜：柚子大蝦沙律柚子好清新，一粒粒好飽滿多汁嘅柚子肉，蝦都幾彈牙，本身都幾滿意個前菜，酸酸地清新嘅感覺。但食到中間發現一條唔屬於我嘅頭髮😷即刻同經理講，經理都係咁講對唔住同即刻幫我換....中盤：香煎蟹餅配熱情果蛋黃醬呢個唔錯，真心好食！好多蟹肉，入面口感鬆散但外面煎得幾好，仲keep到完整嘅感覺👍🏻.主菜：慢煮三文魚柳配青豆意大利飯三文魚熟嘅程度啱啱好。仲係好嫩，外皮都脆😻但青豆risotto真係麻麻...冇乜味，完全唔吸引....主菜：美國肉眼扒配番薯片塊扒有少少失望😢。有d太薄...唔expect係薄切😂叫medium，但中間有d位切開係仲係好生，似medium rare，不過都ok嘅好過overcook...反而個蕃薯片有驚喜，蕃薯本身好甜，加上少少鹹嘅調味吊味，唔錯喎😍.檸檬雲呢拿芭菲配乳酪雪糕完全係馬令檸檬撻嘅味道😂懷疑根本係同一個醬。ok啦幾清新😋乳酪雪糕係配一個甜甜酸酸嘅血橙醬，都幾夾，令味道豐富d！.柚子芝士蛋糕配檸檬雪葩完全食唔出係柚子芝士蛋糕😂冇乜柚子味...麻麻地檸檬雪葩，可能係我唔鍾意太酸🥺.$398/set (牛扒
——
前菜：柚子大蝦沙律
柚子好清新，一粒粒好飽滿多汁嘅柚子肉，蝦都幾彈牙，本身都幾滿意個前菜，酸酸地清新嘅感覺。但食到中間發現一條唔屬於我嘅頭髮😷即刻同經理講，經理都係咁講對唔住同即刻幫我換...
.
中盤：香煎蟹餅配熱情果蛋黃醬
呢個唔錯，真心好食！好多蟹肉，入面口感鬆散但外面煎得幾好，仲keep到完整嘅感覺👍🏻
.
主菜：慢煮三文魚柳配青豆意大利飯
三文魚熟嘅程度啱啱好。仲係好嫩，外皮都脆😻但青豆risotto真係麻麻...冇乜味，完全唔吸引...
.
主菜：美國肉眼扒配番薯片
塊扒有少少失望😢。有d太薄...唔expect係薄切😂叫medium，但中間有d位切開係仲係好生，似medium rare，不過都ok嘅好過overcook...反而個蕃薯片有驚喜，蕃薯本身好甜，加上少少鹹嘅調味吊味，唔錯喎😍
.
檸檬雲呢拿芭菲配乳酪雪糕
完全係馬令檸檬撻嘅味道😂懷疑根本係同一個醬。ok啦幾清新😋
乳酪雪糕係配一個甜甜酸酸嘅血橙醬，都幾夾，令味道豐富d！
.
柚子芝士蛋糕配檸檬雪葩
完全食唔出係柚子芝士蛋糕😂冇乜柚子味...麻麻地檸檬雪葩，可能係我唔鍾意太酸🥺
.
$398/set (牛扒要+$68)
set係有餐包同湯不過我冇影~
.
Overall: 6.7/10
Value for money: 3.8/5 (而家Openrice book有折）
——
📍Uptop Bistro and Bar
尖沙咀漆咸道南117號珀薈酒店19樓
.
张贴
