胡同

营业中

休息中

名不虛傳星級中菜廳，一入去有一排傳統中式燈籠，勁多打卡位，餐枱用在了傳統實木製成，滿滿中式風格☺️好靚呀。最吸引我就係落地玻璃全個維港海景睇晒，晚上去嘅時候仲睇到幻彩詠香江，一路食一路睇全方位感官享受🫶🏻擂椒帶子皮蛋大大片北海道帶子，職員會即場淋上藤椒汁，辣辣地好香口夠開胃。魚香海鮮蓮藕餅爽脆嘅蓮藕，中間夾著爽口彈牙蝦膠，面頭嗰啲係魚子醬同金箔，中間嘅醬汁甜甜地有鮮味。三蔥爆炒龍蝦大大隻原隻波士頓龍蝦，師傅全隻都幫你起肉，但龍蝦殼照樣會蓋住，視覺效果一流，肉質鮮爽彈牙，配上京蔥等配料更香口。火焰胡椒片皮鴨🥰師傅會推成架餐車喺你面前即燒即切，外皮燒得香脆，佢哋嘅皮唔會過肥，肉質香🤤鴨肉肥瘦度恰好，沾上醬汁、京蔥、青瓜🥒。睇住靚靚維港食真係好正。小魚菜苗鮮魚粒粒配上爽口嘅菜苗，湯底清甜。北海道帶子蔥油拌麵大大粒北海道帶子，配上煙韌有口感拌麵，勁重蔥油香。牡丹花海🌸超級靚嘅甜品，牡丹花用上了芋頭慕絲，賣相非常精緻，入邊有消息蛋糕仲有啲甜品珠珠做點綴！