人生有限杯.串燒店

营业中

休息中

今次同朋友黎到TST人氣串燒新分店~ 呢度出晒名價錢親民，抵食得黎估唔到又搵到好多款新款式喎~ 味道overall 都啱口味~ 最正今次坐埋bar 枱，望住店員細心料理，氣氛滿滿🥢五花腩同雞皮燒得香脆，五花腩肥瘦均衡，入口多汁，灑少少鹽提味，簡單但好香；雞皮烤到金黃，咬落卡滋卡滋，油香四溢🥢雞肝同牛舌都好有驚喜，雞肝軟嫩好正，燒得啱啱好保持滑口；牛舌切得厚薄適中，入口彈牙，牛味濃郁🥢墨魚鬚同墨魚滑大蝦係海鮮控嘅心頭好，墨魚鬚入口超爽脆，燒出微微焦香；墨魚滑大蝦彈牙鮮甜，配上秘製醬汁好入味🥢燒日式淮山清甜軟糯，外層微焦，簡單調味但好有風味🥢鵝肝多士係創意之選，鵝肝慕絲香滑，配上脆多士，份量小巧啱晒試味🥢牛小排肉質嫩滑，油花分佈均勻，燒完多汁唔柴🥢白鱔彈牙爽口👍🏻 鰻魚飯團外脆內軟，鰻魚香甜，用紫菜包住，簡單但好食🥢白酒忌廉煮蜆湯汁濃郁，蜆肉肥美，白酒忌廉醬煮到剛剛好包住每隻蜆👍🏻好好味🥤飲品當然要叫SAPPORO生啤！ 買一送一超抵，冰涼順喉，配串燒好正！叫多杯百香果梳打，果味清新，氣泡感解膩